भोकरदन विधानसभा मतदारसंघासाठी रिचा राठी यांची निवडणूक निरिक्षक (मतमोजणी) म्हणुन नियुक्ती

विधानसभा सार्वत्रिक निवडणूक-2024

भोकरदन विधानसभा मतदारसंघासाठी रिचा राठी यांची निवडणूक निरिक्षक (मतमोजणी) म्हणुन नियुक्ती

Bharat 24TaasNews 

जालना, दि.21 : विधानसभा सार्वत्रिक निवडणूक-2024 च्या अनुषंगाने 103-भोकरदन विधानसभा मतदारसंघासाठी भारत निवडणूक आयोगाने श्रीमती रिचा राठी यांची निवडणूक निरिक्षक (मतमोजणी) यांची नियुक्ती केली आहे.

 103-भोकरदन विधानसभा मतदारसंघातील सर्व उमेदवार, उमेदवार यांचे प्रतिनिधी व मतदार यांना मतमोजणी विषयक काही शंका असल्यास शुक्रवार, दि. 22 नोव्हेंबर, रोजी सकाळी 11 ते 12 या वेळेत नगर परिषद मंगल कार्यालय, भोकरदन येथे उपस्थित राहून निवडणूक निरिक्षक (मतमोजणी) श्रीमती राठी यांचे समक्ष शंकाचे निराकरण करुन घ्यावे असे आवाहन प्रशासनाच्या वतीने करण्यात आल्याचे निवडणूक निर्णय अधिकारी तथा उपविभागीय अधिकारी डॉ. दयानंद जगताप यांनी कळविले आहे.  

विधानसभा सार्वत्रिक निवडणूक जालना जिल्ह्यातील टक्केवारी

जालना जिल्ह्यातील पाच विधानसभा मतदारसंघात पाच वाजेपर्यंत 64.17 टक्के मतदान

जालना: विधानसभा सार्वत्रिक निवडणूक-2024 च्या अनुषंगाने जालना जिल्ह्यातील 99-परतूर, 100-घनसावंगी, 101-जालना, 102-बदनापूर आणि 103-भोकरदन या विधानसभा मतदारसंघातील 1 हजार 755 मतदान केंद्रांवर आज मतदान प्रक्रिया शांततेत व सुरळीत मतदान पार पडले. सायंकाळी 5 वाजेपर्यंत 64.17 टक्के मतदान झाले आहे. काल पार पडलेल्या मतदान प्रक्रियेनुसार सायंकाळी 5 वाजेपर्यंत जिल्ह्यातील पाचही विधानसभा मतदार संघनिहाय झालेले मतदान टक्केवारी पुढील प्रमाणे आहे. यामध्ये 99-परतूर 62.06 टक्के, 100-घनसावंगी 66.57 टक्के, 101-जालना 59.12 टक्के, 102-बदनापूर 65.22 टक्के आणि 103-भोकरदन 68.15 टक्के असे एकूण सरासरी 64.17 टक्के मतदान झाले होते. मतदानाची सायंकाळी 5 ते 6 वाजेपर्यंतची म्हणजेच मतदान संपेपर्यंतची आकडेवारी अद्याप प्राप्त व्हायची आहे. विधानसभा मतदार संघातील काही अनेक ठिकाणी मतदानाची प्रक्रिया उशिरापर्यंत सुरु होती. पाचही विधानसभा मतदारसंघात मतदान प्रक्रिया सुरळीत व शांततेत पार पाडण्यासाठी मतदारांनी उस्फूर्त प्रतिसाद दिल्याबद्दल जिल्हाधिकारी डॉ. श्रीकृष्ण पांचाळ यांनी सर्व मतदारांचे आभार मानले. 

#विधानसभा #vidhansabha #निवडणूक #मतदान