भोकरदन पोलीस ठाण्यात पत्रकारांचा सत्कार

भोकरदन पोलीस ठाण्यात पत्रकारांचा सत्कार 

कमलकिशोर जोगदंडे 

भोकरदन :दर्पण दिनाचे औचित्य साधून भोकरदन पोलीस ठाण्यात पोलीस निरीक्षक किरण बिडवे यांच्या वतीने गुरुवारी 9 रोजी सकाळी शहरातील पत्रकारांचा फेटे बांधून तसेच वही पेन तसेच पुष्पगुछ देऊन सत्कार केला.

यावेळी पोलीस निरीक्षक किरण बिडवे यांनी भोकरदन येथील पत्रकारांचे विशेष कौतुक करत आम्ही केलेल्या चांगल्या कामाची दखल घेऊन बातम्याच्या माध्यमातून स्तुती करतात तसेच चुकीच्या कामाची दखल घेऊन कान टोचण्याचे हि काम करतात त्यामुळे काम करताना चूक झाल्यास सुधारणा करण्याची प्रेरणा मिळते असे सांगितले. यावेळी पोलिस उप निरीक्षक पवन राजपूत , बि टी सहाणे, नेटके, विकास जाधव यांच्या सह पोलीस कर्मचारी मोठया संख्येने उपस्थित होते. तर शहरातील पत्रकारांची ही मोठया प्रमाणात उपस्थिती होती.