कब बुलबुल केंद्र स्तरीय उत्सव जि.प. प्रा.शाळा रजाळा येथे संपन्न

कब बुलबुल केंद्र स्तरीय उत्सव जि.प. प्रा.शाळा रजाळा येथे संपन्न 

---------------------------------------------

भोकरदन दि. 7 जानेवारी 2025 रोजी  प्राथमिक शाळा प्राथमिक शाळा रजाळा केंद्र सिरसगाव मंडप  येथे केंद्रस्तरीय एक दिवशीय कब बुलबुल उत्सव 2024 - 25 उत्सव साजरा करण्यात आला. केंद्र समन्वयक श्री हरकळ सर यांनी सर्व कार्यक्रमाची धुरा सांभाळली ,कब बुलबुल उत्सवा प्रसंगी कार्यक्रमाचे अध्यक्ष श्री शंकर चंदवाडे ,प्रमुख पाहुणे केंद्राचे आदरणीय केंद्रप्रमुख श्री जिवरग सर , प्रमुख अतिथी शालेय व्यवस्थापन समितीचे अध्यक्ष श्री.शंकर चंदवाडे , उपाध्यक्ष श्री.मधुकर बोर्डे, सदस्य श्री. भारत साळवे, अजय  बोर्डे, श्री. राहुल सुरडकर  , माजी सरपंच श्री. भास्कर पाटील बोर्डे  , अंगणवाडी कार्यकर्त्यां श्रीमती नवले मॅडम, श्रीमती साळवे मॅडम,  गावातील महिला व नागरिक आणि केंद्रातील सर्व शाळांचे मुख्याध्यापक संबंधित शिक्षक  केंद्रातील 19 शाळेपैकी 14 शाळेतील एकूण 168 विद्यार्थ्यांनी उपस्थित होते. सर्वप्रथम क्रांतीज्योती सावित्रीबाई फुले प्रतिमेची पूजन करून कार्यक्रमाचे अध्यक्ष व प्रमुख पाहुणे यांचे स्वागत  मुख्याध्यापक श्री.राऊलवार सर  , शिक्षक श्री.पठाण सर , श्री.टेकाळे सर, श्री.नाटके सर, श्री.भोॅडणे सर यांनी केले .नंतर उत्सवाला सुरुवात करण्यात आली यामध्ये सांस्कृतिक कार्यक्रम विविध स्पर्धा घेण्यात आल्या त्यामध्ये बटाटा शर्यत, तीन पायाची शर्यत, पोता शर्यत, दोरीवरील उड्या व अल्पोपहार देण्यात आला व शेवटी स्पर्धेतील प्रथम द्वितीय तृतीय क्रमांक मिळवलेल्या विद्यार्थ्यांना प्रमाणपत्र वाटप करण्यात आले. 

त्यानंतर सांस्कृतिक कार्यक्रमामधील उपक्रम घेऊन त्यातील क्रमांक काढण्यात आले.

कार्यक्रमानंतर विजेत्या व सहभागी विद्यार्थ्यांना प्रशस्तीपत्र देण्यात आले..श्री.डकले सर आभार प्रदर्शन केले. 

अतिशय खेळीमेळीच्या वातावरणात एक दिवशीय कब बुलबुल उत्सव संपन्न झाला.

भोकरदन पोलीस ठाण्यात पत्रकारांचा सत्कार

भोकरदन पोलीस ठाण्यात पत्रकारांचा सत्कार 

कमलकिशोर जोगदंडे 

भोकरदन :दर्पण दिनाचे औचित्य साधून भोकरदन पोलीस ठाण्यात पोलीस निरीक्षक किरण बिडवे यांच्या वतीने गुरुवारी 9 रोजी सकाळी शहरातील पत्रकारांचा फेटे बांधून तसेच वही पेन तसेच पुष्पगुछ देऊन सत्कार केला.

यावेळी पोलीस निरीक्षक किरण बिडवे यांनी भोकरदन येथील पत्रकारांचे विशेष कौतुक करत आम्ही केलेल्या चांगल्या कामाची दखल घेऊन बातम्याच्या माध्यमातून स्तुती करतात तसेच चुकीच्या कामाची दखल घेऊन कान टोचण्याचे हि काम करतात त्यामुळे काम करताना चूक झाल्यास सुधारणा करण्याची प्रेरणा मिळते असे सांगितले. यावेळी पोलिस उप निरीक्षक पवन राजपूत , बि टी सहाणे, नेटके, विकास जाधव यांच्या सह पोलीस कर्मचारी मोठया संख्येने उपस्थित होते. तर शहरातील पत्रकारांची ही मोठया प्रमाणात उपस्थिती होती.

शिवूर येथील दिंडीचा माजी मंत्री दानवेच्या हस्ते सत्कार.

शिवूर येथील दिंडीचा माजी मंत्री दानवेच्या हस्ते सत्कार.

भोकरदन प्रतिनिधी 

वैजापूर तालुक्यातील शिऊर बंगला ते शेगाव असा पायी प्रवास करणाऱ्या संत गजानन भक्तांच्या दिंडीचे भोकरदन येथे स्वागत करण्यात आले असून या दिंडीतील प्रमुख व्यक्तींचा माजी केंद्रीय रेल्वे राज्यमंत्री रावसाहेब पाटील दानवे यांच्या हस्ते सत्कार करण्यात आला.

शिऊर बंगला येथील श्री संत गजानन भक्त मधुकर गुळे, गोरख स्वामी, तुकाराम जाधव, शेषराव मुळे यांच्यासह इतर गजानन भक्तांनी सालाबाद प्रमाणे यावर्षीही शेगाव येथे पायी दिंडीने जाण्यासाठी एक जानेवारी रोजी सुरुवात केली असून 22 दिवस पायी प्रवास केल्यानंतर ही दिंडी शेगाव येथे पोहोचणार आहे . या दिंडीचे सोमवार सहा जानेवारी रोजी सायंकाळी भोकरदन शहरात आगमन झाले यानंतर ही दिंडी भाजपा जिल्हा उपाध्यक्ष मुकेश चिने यांच्या जालना रस्त्यावरील रामसुमती कॉम्प्लेक्स येथे मुक्कामास होती मंगळवार सात जानेवारी रोजी सकाळी ही दिंडी पुन्हा मार्गस्थ होत असताना या ठिकाणी माजी केंद्रीय रेल्वे राज्यमंत्री रावसाहेब पाटील दानवे यांनी हजेरी लावून दिल्लीतील प्रमुख व्यक्तींचा उपरणे टोपी व श्रीफळ देऊन सत्कार करून सन्मान केला.

देवगिरी नागरी सहकारी पतसंस्था मर्यादित जालना शाखा-भोकरदनचा सभासद मेळावा संपन्न

देवगिरी नागरी सहकारी पतसंस्था मर्यादित जालना शाखा-भोकरदनचा सभासद मेळावा संपन्न

कमलकिशोर जोगदंडे 

भोकरदन |देवगिरी नागरी सहकारी पतसंस्था मर्यादित जालना यांचा ग्राहक व सभासद मेळाव्याचे भोकरदन येथे आयोजन करण्यात आले. त्याप्रसंगी भोकरदन चे पोलीस निरीक्षक मा. श्री. किरण बिडवे साहेब व गजानन महाराज अर्बन बँकेचे मुख्य कार्यकारी अधिकारी व सहकार भारती जालनाचे जिल्हा उपाध्यक्ष मा. श्री. सतीश बापू रोकडे साहेब व सहाय्यक निबंधक संस्था भोकरदनचे सहकार अधिकारी श्री. मस्के साहेब तसेच वरिष्ठ लिपिक श्री ब्रह्मगिरी गिरी साहेब इत्यादी प्रमुख अतिथी व मार्गदर्शक म्हणून उपस्थित होते तसेच देवगिरी पतसंस्थेचे अध्यक्ष श्री. परेश बागवे ज्येष्ठ संचालक श्री राजू भालराव श्री विकास तळेकर व संचालिका श्रीमती रेणु ताई घण हे उपस्थित होते

याप्रसंगी उपस्थित मान्यवर श्री किरण बिडवे, श्री सतीश बापू रोकडे, तसेच श्री ब्रह्मगिरी गिरी साहेब यांनी पतसंस्था या ग्रामीण भागातील जनतेच्या विकासाचा मार्ग आहे त्यामुळे नियमित कर्ज भरणा करून सभासदांनी आपले जीवनमान उंच व्हावे व व समाजाची प्रगती करावी तसेच पालकांनी व सभासदांनी जागृत राहून आपल्या पाल्यांच्या हालचालीकडे लक्ष द्यावे व वेळीच होणाऱ्या दुर्दैवी घटना पासून स्वतःच्या कुटुंबास सावरावे असे मार्गदर्शन केले.

याप्रसंगी मान्यवरांचा उपस्थित नवनिर्वाचित सल्लागार मंडळ ची स्थपना व सर्व सल्लगार समिती श्री. संतोष महाराज आढावने, श्री संजय पिसे, अॅड. श्री मयूर वडगावकर श्री योगेशजी शर्मा, श्री रंजीत डेडवाल, श्री. दादाराव नवल, श्री गजानन राऊत, श्री राजू तळेकर, श्री बाळासाहेब चोरमारे, श्री सतीश देवळे, श्री दिलीपराव दौड, श्री. नारायण साबळे, डॉ. ज्योती ताई वानखेडे, सौ. रंजनाताई देशपांडे यांचा सत्कार करण्यात आला.

या कार्यक्रमाचे सूत्रसंचालन श्री बजरंग वरकड यांनी केले यांनी तर संचालक श्री विकास तळेकर यांनी आभार मानले कार्यक्रमास संस्थेचे सभासद मोठ्या संख्येने उपस्थित होते पसायदानाने कार्यक्रमाची सांगता झाली.

रजाळा येथे केंद्रस्तरीय कब बुलबुल उत्सवाचे आयोजन

रजाळा येथे केंद्रस्तरीय कब बुलबुल उत्सवाचे आयोजन

कमलकिशोर जोगदंडे 

भोकरदन|जालना भारत स्काऊट आणि गाईड जिल्हा कार्यालय जालना व शिक्षण विभाग प्राथमिक जि. प. जालना यांच्या संयुक्त विद्यमाने दिनांक ०७/०१/२०२५  मंगळवार रोजी भोकरदन तालुक्यातील सिरसगाव मंडप केंद्रातील सर्व माध्यमांच्या इयत्ता पहिली ते पाचवी पर्यंतच्या शाळेतील नोंदणीकृत कब बुलबुल विद्यार्थ्यांसाठी एक दिवसीय कब बुलबुल उत्सवाचे आयोजन जिल्हा परिषद प्राथमिक शाळा रजाळा येथे करण्यात आले आहे. या उत्सवात पोता शर्यत, बटाटा रेस, दोरीवरच्या उड्या, तीन टांगी शर्यत, सांस्कृतिक कार्यक्रम इत्यादी विविध स्पर्धा घेण्यात येणार आहेत. त्यानुसार सिरसगाव मंडप केंद्रातील इयत्ता पहिली ते पाचवी पर्यंतच्या सर्व शाळेतील नोंदणीकृत विद्यार्थ्यांनी दिनांक ०७/०१/२०२५  मंगळवार रोजी सकाळी दहा ते दुपारी चार या वेळेत रजाळा येथे केंद्रस्तरीय एकदिवसीय कब बुलबुल उत्सवात सहभागी होण्यासाठी प्रत्येक शाळेतील सहा कब मुले व सहा बुलबुल मुली यांनी उत्सवा दरम्यान संपन्न होणाऱ्या सर्व स्पर्धेच्या पूर्वतयारीसह सोबत दिवसभरात जेवणाचा डबा घेऊन शिक्षकांसोबत उपस्थित राहावे असे आवाहन भोकरदन तालुक्याचे गटशिक्षणाधिकारी दिलीप शहागडकर,  शिक्षण विस्तार अधिकारी बिएल बडगे  तथा केंद्र प्रमुख डी.डी. जिवरग , केंद्रीय शाळा मुख्याध्यापक सुसर , प्रा. शाळा. रजाळा चे मुख्याध्यापक सुरेश राऊलवार, कब बुलबुल उत्सव केंद्र समन्वयक केशव हरकळ यांनी केले आहे.